Abana bagiye kujya bandikirwa kwa muganga,amafaranga yacibwaga abakerewe yabaye amateka

Abana bagiye kujya bandikirwa kwa muganga,amafaranga yacibwaga abakerewe yabaye amateka

Ababyeyi bishimiye ko batazongera gucibwa amafaranga y’ ubukerewe mu kwandikisha abana kuko byatangiye gukorerwa kwa muganga aho gukomeza gukorerwa ku murenge nk’uko byari bisanzwe bigenda.

Kuri uyu wa 10 Kanama 2020 nibwo mu gihugu hose hatangiye gahunda yo kwandikira abana kwa muganga, no kwandukuza umuntu wapfuye bigakorerwa kwa muganga.

Kwandika abana no kwandukuza uwapfuye bigiye kujyabikorerwa mu ikoranabuhanga ku buryo umurenge uzajya ubona ayo makuru mu ikoranabuhanga, akanabonwa na Minisiteri y’Ubuzima ndetse n’ikigo cy’igihugu cy’irangamuntu.

Mushimiyimana Esther, wo mu murenge wa Rusatira mu karere ka Huye wabyaye umwana wa Kane, ko iyi gahunda yamushimishije kuko hatazongera kubaho amande y’ubukererwe k’uwatinze kwandikisha umwana.

Ati“Kumwanawagatatutwagizeuburangaredutindakumwandishabaducaamandey’amafaranga1000frw.Twabyishimiye ko abana bazajyabandikirwa kwa muganga kuko bizaturinda ingendo no gusiragira ku murenge”.

Narame Aline, wo mu murenge wa Ngoma, twasanze mu bitaro bya Kabutare yabyaye umwana wa 7 yashimiye abayobozi batekereje iyi gahunda.

Yagize ati “Gahunda yatangirijwe twayimenye, ni ukwandisha abana bakadufasha tutiriwe tujya ku murenge. Twabyishimiye kuri ubwo bufasha mwashatse kuduhera hafi, tutiriwe twirukanka, mwatuvunnye amaguru.Byaturushyaga ugasanga turirukanka nta n’itike umuntu afite, tugasiragira ugasanga amaguru yaheze mu nzira”.

Umuyobozi w’Ibitaro bya Kabutare, Dr Nzambimana Bosco, avuga ko iyi gahunda izoherohereza abaturage kuko hari igihe umubyeyi iminsi 15 bahabwaga yo kuba yamaze kwandisha umwana ku murenge yamurenganaga bitewe n’uko hari uba atarakiraneza.

Yagize ati “Icyo izafasha ni ukorohereza umuturage, kuko nibayavaga hano mu bitaro byacu twamwanditse akongera akajya ku murenge, hari n’igihe umubyeyi yavaga hano ananiwe.Hari iminsi babahaga rimwe na rimwe iyo yabaga yayirengeje hari igihe
babacaga n’amande, n’izongendo byamuvunaga ariko ubu ntabwobizongerakumufataumwanyawokujyakumurenge”
.

Ange Sebutege,Umuyobozi w’Akarere ka Huye avuga ko iyi gahunda izakemura ikibazo cy’abaturage bake batandukuzaga uwapfuye, n’abatarandikishaga abana bigatuma igenamigambi rishingira ku mibare y’abaturage itariyo.

Yagize ati“Kwandukuza uwapfuye twajyaga dukoresha ubukangurambaga bwo kugira ngo dushishikarize imiryango, ariko birumvikana byatumaga hari bake hagati ya 0 na 0,5 twaburaga buri mwaka.

Ubu twizeye ko imibare tuzajya tuyimenya y’ukuri bigafasha mu igenamigambi n’iterambere muri rusange”.

Sebutege asaba abaturage kujya bipimisha kane igihe batwite, kandi bagahindura imyumvire bakajya bajya ku byara bazi amazina bazita umwana aho gutegereza iminsi irindwi ngo bazabone kumwita izina nk’uko byagendaga mu muco nyarwanda.

Muri iyi gahunda umubyeyi azajya ava kwa muganga bamuhaye nomero azajya ajyana ku irembo bakamuha icyemezo cy’amavuko.

Ku bitaro bya Kabutare buri munsi hakira abana 10. Umukozi ushinzwe kwandika no kwandukura abavutse kuri ibi bitaro avuga ko nta kibazo cyo kubandika azagira kuko kwandika abantu 10 bitagoye.Mu karere ka Huye buri kwezi havuka abana 600.