Igisamagwe cyakoze ibidasanzwe gishoka iy’amazi gifata ingona kirayiconcomera(AMAFOTO)

Igisamagwe cyakoze ibidasanzwe gishoka iy’amazi gifata ingona kirayiconcomera(AMAFOTO)

Ntibisanzwe kubona inyamaswa nk’igisamagwe isazwe imenyereye guhiga mu mashyamba no mu mukenke yiyemeza gushoka iy’umugezi ikajya guhiga ingona, ariko nta wamenya wasanga yari ikumbuye ibiryo byo mu mazi.

Ni gake uzabona amafoto y’ingona isanzwe imenyerewe mu kubikira abantu n’inyamaswa n’ayo yahindutse umuhigo cyane noneho w’inyamaswa yo ku gasozi.

Umunsi w’ejo wari mubi kuri iyi ngona kuko yisukiriwe n’igisamagwe cyayisanze mu mazi, kirayizonga kiyizamura iy’agasozi maze ikibera ifunguro ry’umunsi

Iyi nkundura hagati y’igisamagwe n’ingona yabereye mu mugezi wa Cuiaba uherereye muri Bresil mu gace ka Pantanal, ubwo iki gisamagwe gisanzwe kiba mu mashyamba akikije uyu mugezi kiyemezaga guhigira mu mazi kigafata iyi ngona ku gakanu kugeza ishizemo umwuka.

Uwafashe aya mafoto, Leighton Lum yavuze ko iyi nkundura itamaze igihe kigeze ku minota itanu kuko iki gisamagwe cyagaragazaga imbaraga zidasanzwe zatumye iyi ngona ipfa itaruhanyije. Nyuma yo kuyifata ngo cyayijyanye imusozi aho cyayiririye nta nkomyi.

Iyi ngona yafashwe ku gakanu inanirwa kwinyagambura