Impanga za mbere zihuje byose ku Isi zigiye kwibaruka umwana zisangiye n’umugabo umwe

Impanga za mbere zihuje byose ku Isi zigiye kwibaruka umwana zisangiye n’umugabo umwe
Anna na Lucy, abakobwa babiri b’impanga bavugwaho kuba ari bo mpanga za mbere ku Isi zisa kandi zisangiye ibintu byinshi mu byo zitekereza no mu byo zikora, batangaje ko biteguye kabyarira rimwe umwana bahuriyeho bazabyarana n’umukunzi basangiye.

Aba bakobwa bafite imyaka 34 bavuka ahitwa Perth muri Australia, barira hamwe, bakaryama ku buriri bumwe, bakambara kimwe, gusohoka n’ibindi byose bakoze bakabikorera hamwe kandi igihe kimwe. Ibirenze ibyo ni uko banasangiye umukunzi umwe, Ben Byrne w’imyaka.

Anna na Lucy babwiye Daily Maily ko uyu mwana bahuriyeho azavuka hifashishijwe uburyo bwo kuvanga intanga zabo bombi muri laboratwari zigahuzwa n’iz’uyu musore (IVF/Vitro Fertilization) ahasigaye umwana uzavamo akazaba ari uwabo bombi.

Lucy yagize Ati: “Dushaka gutwirira hamwe tugahuza buri kimwe mu buzima bwacu bwose. Tuzasazira hamwe, dupfire hamwe. Uko niko bigiye kugenda.”
Aba bavandimwe ubu babanana n’uyu mukunzi wabo mu nzu bakararana ku buriri bumwe. Bemeza ko uyu mukunzi wabo abakunda kimwe bombi kandi azi neza ko adashobora kubatandukanya nk’uko Anna abivuga.

Anna avuga ko mbere bari bafite abakunzi batandukanye bakajya bagerageza kubatandukanya, bituma babareka biyemeza gushaka umwe bahuriyeho.

Ati: “Mu by’ukuri dukunda uyu muhungu. Reka turebe uko bizagenda. Abandi twakundanaga na bo ntibumvaga neza ikiduhuza ariko Ben we yatwemeye uko turi kandi adufata kimwe.”


Anna na Lucy bose bakunda umukunzi wabo Ben Bryne nawe akabakunda kimwe

Bambara kimwe, bagasokoza kimwe, bakanasohokera ahantu hamwe, mugihe kimwe

like
0
dislike
0
love
0
funny
0
angry
0
sad
0
wow
0