Ingaragu zigiye guhabwa icyiciro cya zo kuko bitumvikana kuba umusore ufite Benz aba mu cyiciro cya mbere

Ingaragu zigiye guhabwa icyiciro cya zo kuko bitumvikana kuba umusore ufite Benz aba mu cyiciro cya mbere
Minisitiri w’Ubutegetsi bw’Igihugu, Prof. Shyaka Anastase, yavuze ko mu byiciro bishya bagiye gutanga hari ingaragu zizajya zihabwa ibyiciro bitandukanye n’ibyababyeyi babo bishingiye ku byo binjiza ku kwezi.

Ubwo yari mu kiganiro na TV1 kuri uyu wa Gatandatu tariki 17 Ukwakira, Minisitiri Shyaka yavuze ko mu byiciro bishya by’ubudehe bigiye gukorwa hazazamo impindika zo gushyira abatarashaka mu byiciro bitandukanye niby’ababyeyi babo.

Umuturage wavuze ko akora kwa kwa Muganga yabajije ikibazo agira ati” Hari ubwo ubona umuntu aje kwivuza ari umusore ufite urufunguzo rwa Benz mu ntoki, wamubaza ikiciro arimo ugasanga ari mu cya Mbere, wamusobanuza impamvu akakubwira ko arimo umukecuru abaruye, Ese ibi ntimuibbonamo ikibazo?"

Minisitiri Shyaka yahise amusubiza ko mu byiciro bishya by’ubudehe bigiye gukorwa ingaragu nazo zizabihabwa hakurukijwe uko binjiza, bitandukanye n’uko byari bisanzwe aho ushaka icyiciro yagombaga kuba afite urugo kugira ngo agihabwe.

Mu miterere mishya y’ibyiciro by’ubudehe bizakoreshwa mu guhera muri Gashyantare umwaka utaha, ibyari ikiciro 1,2,3 n’icya 4 byahinduwe, bigirwa bitanu bizaba bihagarariwe n’inyuguti ABCD na E.

Ibyiciro bya A na B nibyo bizaba bibaruwemo abifite, C na D bibarurwemo abashobora gufashwa mu gihe E yo izajyamo abagomba guhabwa ubufasha buhoraho bwa Leta.

like
65
dislike
26
love
34
funny
30
angry
17
sad
35
wow
20