Kigali : Imodoka y’umuhanzi Dj Zizou yafashwe n’inkongi irakongoka n’abayirimo barakomereka

Kigali : Imodoka y’umuhanzi Dj Zizou yafashwe n’inkongi irakongoka n’abayirimo barakomereka

Mu masaha y’umugoroba wo kuri iki Cyumweru tariki 22 Ugushyingo 2020, imodoka u’umuhanzi Iradukunda Zizou uzwi nka Dj Zizou Al Pacino, yafashwe n’inkongi y’umuriro irashya irakongoka burundu, abari bayirimo batatu bakaba bakomeretse bajyanwa kwa muganga. Polisi yageze ahabereye iyi nkongi y’umuriro imodoka yamaze gukongoka, mu gihe Dj Zizou we byamurenze agafatwa n’ikiniga.

Iyi nkongi yabaye mu masaha yegera saa moya z’umugoroba, yabaye nyuma y’uko Dj Zizou yari yagiye gukoresha imodoka ye i Nyamirambo aho bakunda kwita Tarinyota, nyuma we n’abakanishi bazamuka aho bakunda kwita ku Ryanyuma, mu muhanda ugaza i Karama mu murenge wa Kigali. Imodoka irenze kuri Sitade ya Kigali, yaje kubura imbaraga ndetse Dj Zizou avamo hasigaramo abakanishi bahatiriza imodoka ngo izamuke maze igeze haruguru ifatwa n’inkongi irashya irakongoka.

Iyi modoka yamaze amasaha agera muri abiri ishya akantu ku kandi kugeza ikongotse burundu. Dj Zizou wahageze imodoka ye irimo gushya akabireba n’amaso ye, yanze kugira icyo adutangariza kuko byagaragaraga ko atarabasha kwiyakira. Imodoka yaje gushya irakongoka burundu kugeza ubwo ishami rya Polisi rishinzwe kurwanya inkongi z’umuriro yahageze bisa n’ibyarangiye.

Yahiye irakongoka

Yose yahiye ntihagira igisigara